Pagina:Pitrè - Canti popolari siciliani I, 1891.djvu/348

322

CANTI POPOLARI

364. Pirchì nun m’ami cciù, pirchì, mè beni?
Finiu la paci, mi ’ntimò la guerra;
Campirò sempri ’ntra turmenti e peni,
Pri tia mori stu corpu e si sutterra.
O celu, comu vivu mi manteni!
Cu' sa si campu o si risistu ’n terra!
E s’iu moru e tu nun mi vô’ beni,
Tu resti ’n paci, a mia l’eterna guerra. (Noto).

*

365. Arburu carricatu di tupiei,
Carricatu d’arghientu e d’oru cciui,
Iu persi la mè Dia ’mmezzu l'Ebbrei,
La vaju circannu e nu la trovu cciui.
O Diu, turnassi a li pinsieri miei!
La stidda ca lucia nun luci cciui.
Chi gran ciantu chi fanu l'uocci miei
Quannu passu di ccà e nun vidu a vui! (Noto).

*

366. Tuttu Palermu ha statu visitusu¹
Pirchì la mia prisenza nun cci ha statu;
Lu pisci di lu mari è subbattutu²,
E l'ariu è cumparsu ’ntrubbulatu.
Iu meggiu nun t'avissi canusciutu:
No a viriti st'amuri tantu amatu;
Cu nisciuna, amicizia hagghiu avutu:
E cu vui sula m’hagghiu cunfidatu. (Noto).

1. Visitusu, con visitu, cioè a lutto, fig. malinconico. Palermo è sempre la città donde parte e viene pel popolo ogni più grande cosa. Anche il dolore di Palermo basta a significare la grave perdita che ha fatto lo amante.
2. Subbattutu, sbattuto, ballottato.