 |
Questa pagina è stata trascritta e formattata, ma deve essere riletta. | |
| SEPARAZIONE, PARTENZA, LONTANANZA | 319 |
Iu gridu e gridiroggiu a vuci chiara:
Binchi cinniri sugnu, iu t’amu ancora!(Salaparuta).
*
357. Amuri, ha cincu jorna ch' ’un ti viju,
E Ddiu lu sapi la vampa chi haju;
Di quantu haju cianciutu cchiù nun viju,
Ca ’nta la testa mia sensu nun haju;
Ccu li genti ca ’ncontru mi sciarriu,
Iu comu un pazzu a la catina staju;
Siddu passa menz’ura e nun ti viju,
’Mpassulisciu a l’addritta e ’n terra caju1.
(Rosolini).
*
358. Cu li lagrimi mei fici un mulinu,
Cu li lagrimi mei cci macinai,
Cu li lagrimi mei timprai lu vinu,
Cu li lagrimi mei pani ’mpastai;
E quannu t’avia persu, amuri finu,
Cu li lagrimi mei ti vinni a ’sciari. (Mistretta).
*
359. Spartenza amara fa nuovu rituornu,
Lu nuostru amuri si va alluntanannu:
Cu’ sa s’aggiru, cu’ sa si ritornu,
Cu’ sa si st’uocchi cchiù ti vidirannu!...
Apri ora, bella, e vidi siddu è juornu,
Mi fa’ jittari lagrimi di sangu:
Quantu curuzza spàrtiri si vuonnu
Sti dui cori fidili senza ’ngannu!2 (Casteltermini).
