 |
Questa pagina è stata trascritta e formattata, ma deve essere riletta. | |
| 318 | CANTI POPOLARI |
Nun chianciu tantu la càmmara fina,
Mancu lu curtinaggiu di lu lettu:
Iu chianciu ca t’avia sira e matina,
Ora mancu un mumentu pri rispettu. (Alimena).
*
354 Amuri, amuri, mannami un salutu,
Non mi fari cchiù st’arma piniari;
Quant’uri cc’è ’ntra ’n jornu mi tramutu,
Sintennu lu tò nnomu ammuntuari;
Si fussi aceddu, cci avirria vinutu,
Si fussi pisci, passiria lu mari:
Sunu li genti ca nn’hanu tradutu;
L’amuri è forti, e non si pò scurdari. (Catania).
*
355. Dulurusa partenza fu la mia,
Lu me cori nni campa turmintatu;
Lu stari arrassu e luntanu di tia,
Lu me cori nni campa angustiatu.
Mannamilla ’na littra, armuzza mia,
Mi scrivi, e manni a dici lu tò statu;
Tu, siddu moru, e nun viju cchiù a tia,
Rigordati di mia, ca t’haju amatu. (Palermo).
*
356. Sta spartenza pri mia fu troppu amara,
Mi livasti li spassi e gusti ancora;
Senti la vuci mia chi ti dichiara,
Chi t’amirò in eternu fina chi mora1
— Si mori, o bella, addiu, amanti cara:
Vaju a ’na sepurtura ora pr’ora;
- ↑ Verso che può ridurre il popolo.
