 |
Questa pagina è stata trascritta e formattata, ma deve essere riletta. | |
| 316 | CANTI POPOLARI |
L’arma mi nesci e lu sènziu ancora
Chiamannu lu tò nnomu, Catarina1.
(Caltavuturo).
*
348. Ti mannu lu mè cori chi va e veni,
Chinu di guai e di peni pri tia;
Tu mi manni lu tò si mi vô’ beni,
Ca notti e jornu sempri pensu a tia.
Sta littra chi ti mannu cara teni,
La teni cara comu avissi a mia;
Sa’ quannu passirannu li me’ peni?
Quannu mi curcu ’nzèmmula cu tia.
( Camporeale).
*
349. — Iu mi nni vaju e ccu pena ti lassu,
Chiancennu mi la fazzu pi la via,
Cu li lagrimi mei li petri attassu,
L’attassu pi lu tantu amari a tia.
Chi affannu, chi duluri, chi scunquassu,
Lu stari arrassu e luntanu di tia!
— Fa cori, figghia, pigghiatillu a spassu,
Finu ca torna la pirsuna mia. (Casteldaccia).
*
350. A la spartenza non cci curpu iu,
E mancu dicu vui chi cci curpati;
Chisti su’ cosi chi li manna Ddiu,
Di spàrtiri accussì dui cori amati;
- ↑ Son due canti uniti insieme; ma il primo tetrastico potrebbe far parte d’altro canto, forse epico.
