 |
Questa pagina è stata trascritta e formattata, ma deve essere riletta. | |
| SEPARAZIONE, PARTENZA, LONTANANZA | 313 |
339. Pàrtiti, littra mia, pàrtiti e vai,
Parti sicura e spriscia quantu pôi1;
Va dicci a la mè amanti: "Comu stai?
Mentri chi campu, saròggiu lu toi2.
Si t’amu, si non t’amu tu lu sai,
Lu nostra amuri mancari non pôi. „
Littira, non ti mòviri di ddai
Si tu non porti la prisenza soi. (Patti).
*
340. Vogghiu fari ’na littira di chiantu,
’N’àutra di suspiru e di turmentu;
Unn’è la bella ch’ iu aduru tantu?
La sentu muntuvari e mi turmentu.
Si la vidissi, iu l’amassi tantu,
L’amassi cchiù di l’oru e di l’argentu;
Ed ora si nn’ha jutu arrassu tantu
Ca mi la porta la nova lu ventu. (Patti).
*
341. Vulissi fari un violu cantu cantu3,
Vulari cu ’na nivula di ventu.
Sugnu eli lu miu amuri arrassu tantu,
Jùdicalu tu si nn’hagghiu abbientu.
La notti ’un dormu, e lu jornu nun manciù,
Pirchì la tua billizza sempri pensu;
Io tegnu un ghigghiu d’oru a lu miu cantu,
Mi lu scartai ’mmezzu a quattrucentu. (Noto).
