Pagina:Pitrè - Canti popolari siciliani I, 1891.djvu/323

GELOSIA, CORRUCCI, RICONCILIAZIONE

297

*

297. Làdia, brutta, ’ntaccatizza¹ d’ogghiu,
Cannavazzazzu² di la Vucciria³;
Ora vattinni a mari supra un scogghiu,
Ddà ti fa’ fari sapuni e liscia.
Ddoppu mi manni a diri si ti vogghiu,
E pi risposta lassa fari a mia.
’Rreri ’a tò porta cc’è un sciccazzu mortu:
Chissu è l’amanti chi mori pi tia⁴! (Palermo).

*

298. Facciazza d’un crivazzu arripizzatu,
Spaddazzi di ’na mula di trappitu,
’Nta li vicini toi tu t’hai avantatu,
Jennu dicennu ca mi vôi pri zitu.
Iu mi cuntentu mortu o carzaratu,
No dòrmiri cu tia ’na sira zitu⁵. (Alimena).

*

1. ’Ntaccatizza, accr. di ’ntaccatu, intaccato, macchiato.
2. Cannavazzazzu, pegg. di cannavazzu, brutto canavaccio.
3. Vucciria, v. p. 254, n. 6.
4. In Ficarazzi variano così gli ultimi quattro versi:
          Io prima ti vulia, ora ’un ti vogghiu:
        Tu ch’eri oggettu di pigghiari a mia?
        Dimmi cu’ ti jittau sta tacca d’ogghiu?
        Livari ’un ti la pò supra di tia.
   Un’altra variante:
          Apprima ti vulia, ora ’un ti vogghiu,
        Ma comu mi passau sta fantasia!
        Darrè li spaddi cci ha’ ’na tacca d’ogghiu,
        Livari ’un ti la po’ supra di tia.
        Vattinni a mari e lavati ’ntra un scogghiu,
        Fatti ’na quadarata di liscìa.
        Si vo' sapiri pirchì nun ti vogghiu,
        Pirchì fusti sgranfata di lu nigghiu!
5. Terribile quest’odio.