Pagina:Pitrè - Canti popolari siciliani I, 1891.djvu/314

288

CANTI POPOLARI

*

273. Quannu passu di ccà nun t’avantari¹,
Nun è fatta pri tia la mè grandizza;
Tu non si’ a postu che ti pô’ avanzari,
Di riciviri la mè gintllizza.
Di mia stissu mi vogghiu lamintari,
Mittìrimi cu tia, cu ’na munnizza!
E si pri sorti t’avissi a vutari,
Ti guardu, e ti scarpisu pri lurdizza². (Patti).

*

274. E ’nta sta strata cc’è ’na mala spina,
’Un tantu arrassu teni la sò tana;
Nun è luntana no, ca è vicina:
Idda mi tagghia e scusi e poi mi sana.
Ora ti va’ a cunfessi, mala spina,
Nun sicutari a fari la baggiana. (Palermo).

*

275. Lària mi dicisti a prima vista:
Nun ti la sappi dari la risposta;
Tu mi dicisti: " Chi fu cosa chista? „
Cc’eni lu Suli chi nni conza e guasta.
Ti vogghiu fari avvìdiri ’na vista³,
Chi differenza cc’è di pani e pasta;
Ca ’na vutti di vinu quannu è frisca
Disprizzari ’un si pò si nun si guasta⁴. (Palermo).

1. Avantarisi, vantarsi.
2. Lurdizza, lo stesso che lurdia, sporchezza.
3. Ti vo’ far vedere una scena.
4. La donna in questo canto loda se stessa.