 |
Questa pagina è stata trascritta e formattata, ma deve essere riletta. | |
| GELOSIA, CORRUCCI, RICONCILIAZIONE | 287 |
Pri sfugari lu cori canci a Cristu,
Canci lu paradisu cu li Santi;
Nun t’aggirari cchiù, cà t’âmu vistu,
Ca l’amuri ti fai cu tutti quanti:
Vinirà un jornu pigghi a chiddu e a chistu,
Cull'occhi chini e li manu vacanti. (Tortorici).
*
271. Donna, ca duni acqua a dui vadduna,
E ’un pôi furmari mai ciumi currenti,
Donna, ca amannu vai a tanti patruna,
E ’un li pô’ fari a tutti mai cuntenti,
Àmanni unu cu cori custanti,
E l’àutri levatilli di la menti;
Pirchì tu, donna, pi amàrinni tanti
T’abbruci, ti cunsumi, e nun fa’ nenti1. (Alimena).
*
272. Curuzzu, nu’ nn’amamu ed iu t’amaju,
Tu ha’ persu lu scialu ed iu lu sviju;
Nun sugnu cani ca mùzzicu e abbaju,
Mancu picciottu ca di tia nni spiju.
Ca si pri sorti a qualchi banna vaju,
Cànciu la strata, basta ch’ ’un ti viju;
Quannu si fannu li nespuli a Maju,
Tannu, si pari a mia, passu e taliju2. (Alimena).
