Questa pagina è stata trascritta e formattata, ma deve essere riletta. |
284 | CANTI POPOLARI |
262. Ti vai vantannu ca cci haju mannatu1,
Iu, geniu cu tia ’un cci nn’haju avutu;
Maritati si tu ’un t’ha’ maritatu,
Quannu ti spusi ti mannu un salatu.
Mè patri cu mè matri m’ha addivatu2:
Ora su’ vecchi e cci haju a dari ajutu. (Alimena).
*
263. Curuzzu, va ’nsignativi a parrari,
Mi dati la parola e stati all’erta;
Va pratticati cu li vostri pari,
No cu cu’ porta amicizia pirfetta;
Cà tantu tempu m’ha’ fattu aspittari,
La porta chiusa e la finestra aperta;
Di mia stissu mi pozzu lamintari,
Ch’haju datu parola a ’na fraschetta.
(Camporeale).
*
264. Dimmi chi t’hagghiu fattu, iu chi ti fici?
Diri mi l’häi tu lu sì o lu no.
Nni lu pittuzzu miu stampata siti,
Siti ’rastera di basiricò.
Ora, ca a pocu a pocu mi nisciti3,
L’amuri chi v’avia, ’un vi l’hagghiu no;
Iu ringraziu a Ddiu ca nun si fici4,
Megghiu puozzu pigghiari, e tinta no5. (Noto).