Questa pagina è stata trascritta e formattata, ma deve essere riletta. |
GELOSIA, CORRUCCI, RICONCILIAZIONE | 283 |
Nè t’amu, nè cchiù vuogliu chi m’amati,
Beni ’un vi vuogliu cchiù, chi nni vuliti?
(Casteltermini).
*
260. Unni jeru ddi toi promissioni,
Tuttu dd’amuri ’nternu chi m’avivi?
Tu mi facivi milli ’sprissioni,
P’amari a mïa, ’n cruci ti mittivi;
Ca tutti fôru fàusi e finti modi:
Di focu fermu addivintasti nivi!
Nu ’mporta si mutasti opinioni:
Cuvernati, prea a Ddiu ca ti pruvidi1. (Palermo).
*
261. M’avia di maritari oggi è l’annu2
E nun mi maritaju, pintutu sugnu;
Li to’ parenti si jìanu vantannu:
"A chistu picciutteddu ’un cci lu dugnu„3.
Cci avïa di mannari, e nun cci mannu,
E nun cci mannu no, pazzu nun sugnu;
A tia la giuvintù ti va passannu,
Passa lu tempu e nun ti godi munnu;
Sugnu un picciottu chi vaju scialannu,
Mi gàudu4 a cu’ vogl’iu, cà schettu sugnu;
Ora sta’ tantu sina ca cci mannu,
Cà schetta ristirai menti cc’èniunnu. (Alimena).
*