Pagina:Pitrè - Canti popolari siciliani I, 1891.djvu/307

GELOSIA, CORRUCCI, RICONCILIAZIONE

281

*

254. Finiscila, finiscila sta liti,
A lu mè cori libbirtà cci dasti;
Jeu nun ti vosi no, già lu sapisti:
Li lampi chi su’ ’n pettu l’astutasti.
Tèniti forti a ss’amanti ch’avisti,
Quali piaciri vosi cci lu dasti. (Cefalù).

*

255. Quannu passu di ccà tu mi sdilliggi¹:
Lu stissu sdilliggiari arresta a tia;
Tu va’ dicennu ca fetu di pisci²:
Io fazzu un ciàuru megghiu di lumia.
Io sugnu un piscaturi e pigghiu pisci:
Accussì vosi la furtuna mia;
Si tu arrivassi a tastari sti pisci,
Ti nni vinissi a piscari cu mia. (Porticello)³.

*

256. Giuvinutteddu chinu di pinseri,
’N è tuttu ’nternu ss’amuri chi hai⁴;
La picciuttedda ca tu cci vôi beni⁵,
Sâllu di certu ca tu non l’avrai;
Cu' l’ha ’n putiri, si la guarda beni,
Tu, beddu, di la pena murirai;

1. Sdilliggiari, bel verbo che esprime più efficacemente l’idea del verbo dileggiare.
2. Tu vai dicendo che io puzzo di pesci.
3. Questo comunello è tutto di pescatori.
4. Non è tutto sentito l’amore che hai (addimostrato).
5. La ragazza alla quale vuoi bene.