 |
Questa pagina è stata trascritta e formattata, ma deve essere riletta. | |
| 280 | CANTI POPOLARI |
*
251. Bella, ca ’n cori lu prummetti a dui,
Comu amari ti pozzu, armuzza mia!
Lu focu chi addumau, ’un adduma cciui,
E mancu fa li vampi chi facia;
Hagghiu abbruciatu assai p’amari a vui,
Ora abbruciati vui p’amari a mia;
Stanni di certu ca nun t’arau cciui,
Cà l’amari pi forza ’un ha valia. (Noto).
*
252. Iu di sta bella vulissi lu cori,
Fidili lu vulissi praticari.
Mi duni, mi prummetti li paroli,
Ccu la prummisa tua ’un cci vogghiu stari;
Fai milli jucaredda1 marioli,
Comu la sita mi fai arrimuddari2;
’Varda sta bella ch’ha ’ngratu lu cori,
Ch’ha un amanti ’n putiri e ’un cci vo’ stari!
(Noto).
*
253. Si t’hagghiu amari, nni vogghiu lu pregghiu,
Castiata nni sugnu, anima mia3;
Fammi un cuntrattu nna un nutaru priegnu (?)
E allura mi nni viegnu appriessu a tia;
L’ommini d’ora ’un hanu cirivieddu,
Amanu a tanti e stracàncinu via;
Ccussì facisti tu, ghiuvini beddu,
Mi lassasti nna un focu, anima mia. (Noto).
