Questa pagina è stata trascritta e formattata, ma deve essere riletta. |
278 | CANTI POPOLARI |
Puru vurria sapiri a cu’ cci dati?1
Sidd’è megghiu di mia2, mi lu diciti;
Ca un jornu havi a fìniri a cutiddati,
Cu’ si li porta porta li firiti!3. (Palermo).
*
247. Vi li mannaju iu li Gesuiti,
Bella, li mannu a vui tanti ’mmasciati;
Iu v’amu, e la ’ngrunnuta4 mi faciti:
Pirchì sta mala cera mi purtati?
Vi passirannu ssi sfrazzi ch’aviti,
Li pompi e li giuala5 chi purtati,
’Mmirazza6 a ’n’àutra amanti mi viditi.
E comu di la pena ’un v’affucati? (Alimena).
*
248. Vurria sapiri quant’amanti semu,
Ca tutti nni tiniti ’mpinti òn amu?
Io criju chi a li trenta cci juncemu,
E li quaranta tutti li passamu;
E chiddi di la festa ’un li mintemu,
Chiddi di lavuranti7 ’un li cuntamu.
Ora dicemu nui chi discurremu:
Cchiù amanti aviti vui, ca figghi Adamu!... (Bagheria).
- ↑ Chi le date in isposo?
- ↑ Intendi il nuovo sposo.
- ↑ Poco importa chi se le prenderà le ferite (= chi le tocca son sue le coltellate).
- ↑ ’Ngrunnuta, lo stesso che ’ngrunnata, ingrognata.
- ↑ Giuala o giuali, v. a p. 208, nota 3.
- ↑ ’Mmirazza, epentesi di ’mmrazza, in braccia.
- ↑ Lavuranti, giorno di lavoro.