 |
Questa pagina è stata trascritta e formattata, ma deve essere riletta. | |
| GELOSIA, CORRUCCI, RICONCILIAZIONE | 277 |
Si lu cunfidi a mia, mi guarda Diu:
Semu dui cori e nni putemu amari;
La morti io stissu m’addisiu
Quannu cu àutru vi viju parrari1 (Caltavuturo).
*
244. Sanguzzu duci, sanguzzu riali,
Sanguzzu, hâ’ fari zoccu vogghiu iu;
Tu cu sta genti nun cci hâ’ pratticari,
Massimamenti cu cu’ dicu iu.
Cull'acqua stissa tu nun t’hâ’ lavari,
Cà puramenti mi nni gilusiu:
Quannu ssa bedda facci t’hâ’ lavari,
Ti l’hâ’ lavari cu lu sangu miu. (Tortorici).
*
245. Mentri ch’assira stancu e siddiatu
Un pocu discurria cu mè cummari,
Vitti ca un giuvinottu ’nciruttatu
Cu la me ’manti vuleva jucari.
Io cci dissi: — "Vattinni, sbriugnatu,
Vattinni prestu, e cchiù nun taliari:
Si ’n; âtra vota passi di stu latu
’Na badda ’n franti ti fazzu arrivari!„ (Palermo).
*
246. O celu, stiddi, pianeti biati,
Ca a sta picciotta li raj cci faciti,
Vurria sapiri si la maritati,
O puramenti schetta la tiniti?
- ↑ Due canti legati insieme.
