Pagina:Pitrè - Canti popolari siciliani I, 1891.djvu/300

274

CANTI POPOLARI

*

238. Chi beddu fazzulettu chi mi dasti,
Firriateddu di disigni vostri,
E tra lu mezzu un’acula stampasti,
Attornu attornu li billizzi vostri!
Nun fôru nè pittura e mancu mastri,
Sulu chi fôru li manuzzi vostri¹;
Sciogghimi, amuri, e comu m’attaccasti!
Chi sempri staju a li cumanni vostri.
(Camporeale).

*

239. ’Mmenzu Palermu cc’è un beddu granatu,
D’oru e d’argentu su’ li faidduna²;
Cc’è la mè zita vistuta scarlatu,
Mi mannò a diri chi vo’ la cintura.
Iu, ’gnutticata³ cci l’haju mannatu,
E ’nta lu menzu ’na bella scrittura;
Nuddu pozza liggilla, ch’è piccatu,
Sulu lu zitu e la bona pirsuna⁴. (Alimena).

*

240. Mi mannasti un pumiddu muzzicatu,
E io pri cànciu⁵ ti mandai lu cori;
Ed era tuttu d’oru arraccamatu,
Dintra cc’eranu scritti tri palori;

1. Cioè: non furono i pittori e i maestri coloro che disegnarono il fazzoletto da voi regalatomi, ma foste voi stessa, furono le vostre mani.
2. Faidduna, rampolli che mettono gli alberi ed altre piante, polloni.
3. ’Gnutticata, ripiegata, ravvolta.
4. Solo i due fidanzati.
5. Pri cànciu, in ricambio.