 |
Questa pagina è stata trascritta e formattata, ma deve essere riletta. | |
CAPITOLO VI.
SALUTI, DONI.
233. Vi mannu cu lu Suli a salutari,
Cà lu propia Suli siti vui;
E la matina quann’havi a ’ffacciari
Vi veni a pigghia lu permissu a vui;
Lu minzijornu quann’havi a vutari,
Veni a manciari a tavula cu vui;
E poi la sira quann’havi a cuddari1
Veni a durmiri ’nsèmmula cu vui. (Bompietro).
*
234. Giuvini schiettu, cardiddu d’amuri,
Zoccu t’haju prumisu t’haju a dari;
T’haju prumisu un jancu muccaturi,
D’oru ti lu cummienzu a raccamari;
- ↑ Cuddàri, tramontare.
