 |
Questa pagina è stata trascritta e formattata, ma deve essere riletta. | |
| DICHIARAZIONE, PROMESSA, COSTANZA | 269 |
226. Palisari ti vuogliu, amanti cara:
Si’ vampa ca m’abbruci dintra e fora;
Senti sta vuci chi ti parla chiara:
"T’haju amari in aternu o campu o mora„1
Ed anchi morta sta mè vita cara,
O nni la fossa o nni la sipurtura,
Mi sintirai gridari a vuci chiara:
"Binchì cinniri su’, iia t’amu ancora!„.
(Casteltermini).
*
227. La chiaja di stu pettu nun si cura,
Si nun parru cu tia ’na sula vota;
Lu tettu nun si sparti di li mura,
Bedda, lu nostru amuri dura ancora.
Doppu tri jorna chi su’ ’n sepurtura,
Stu sènziu pri tia cci pensa ancora;
Tu veni a la me fossa e chianci un’ura,
Cá cinniri su’ fattu, e t’amu ancora2. (Alimena).
*
228. Dimmi tu, bedda, zocc’hai pinsatu
Tuttu stu tempu ch’ ’un n’âmu vidutu?
Tu ti cridevi ca t’avia lassatu,
O puramenti di sènziu nisciutu3;
Amuri, tannu t’avirrò lassatu,
Quannu mortu sarroggiu e sippillutu.
(Sferracavallo).
