Pagina:Pitrè - Canti popolari siciliani I, 1891.djvu/294

268

CANTI POPOLARI

Tu si’ un’amanti graziusa e pura,
E di li beddi la cchiù bedda ancora.
Ti pregu, armuzza mè, stanni sicura,
Non fazza mi ti nêi di palora¹;
Ca dopu mortu e misu ’n sepultura
Ciniri l’ossa me’ t’amanu ancora. (Patti).

*

224. Bedda, cu’ lu scupriu lu tò ritrattu?
Comu ti l’accanzaju tantu affettu?
La tò biddizza ’na chiaga m’ ha fattu
A la parti sinistra di lu pettu:
Midicina non n’haju asciatu affattu.
Ciàncimi, sorti mia, la sorti aspettu:
Essennu mortu minuzzatu e sfattu.
Pri finu l'ossa mei portanu affettuǃ (Catania).

*

225. Curuzzu, vita mia, nun ha’² timuri³,
Tutti sti beddi grazii chi hai,
Sti to’ biddizzi cu lu tò sbrennuri,
La prim’amanti pi tia abbannunai⁴
Ti fazzu juramentu cu fijuri⁵,
Ca io lassari a tia non sarrà mai:
Puru chi fussi mortu ’n sepurturi⁶
Li mei propia ossa t’hanno a amari. (Palermo).

1. Non far che mi manchi di parola.
2. Ha' qui abbi.
3. Dopo questa parola sottintendi un perchè.
4. Intendi: Per codeste tue bellezze e lo splendore che tu hai, io ho abbandonato la mia prima amante.
5. Ti faccio giuramento sopra le immagini di Dio e dei Santi.
6. ’N sepurturi, per in sepurtura.6