Pagina:Pitrè - Canti popolari siciliani I, 1891.djvu/293

DICHIARAZIONE, PROMESSA, COSTANZA

267

Bedda, pr’arricampari¹ tutti st’anni
Squaglia la vita mia pr’amari a tia. (Castelbuono).

*

221. Un giornu pri ’n eternu o peni o guai,
Io non li potti soffiriri cchiui,
Lu cori di stu pettu mi strappai,
E la custanza mè la detti a vui;
Ora ca nn’haju amatu tant’assai,
Sulu si moru ’un mi scordu di vui;
Tutti li me’ suggetti dichiarai,
Chi a nuddu vogghiu beni, si no a vui. (Patti).

*

222. Iu juru a chistu Ddiu jàutu² e superno,
Iddu fu muortu e sfacillatu fu;
Iu nun ti cangiu p’un amuri ’nternu³,
Mancu s’avissi a vinciri un Perù;
E si mi passa quarchi affettu ’nternu,
Iu nun ti cangiu mai si si’ tu;
Casca abbuccuni⁴ e si nni va a lu ’nfernu.
Ca pi⁵ facci di Ddiu ’un ni vidi cciù. (Noto).

*

223. Facci di specchiu di la me figura,
Cu’ voli beni a tia ti ’spetta fora,

1. Arricampari, recuperare, guadagnare.
2. Jàutu, alto.
3. Io non ti cambio per altro amore che possa aver nell'animo, occulto.
4. Casca abbuccuni, cade bocconi.
5. Pi, apocope di pir, per; qui specie di ripieno come il ca.