Pagina:Pitrè - Canti popolari siciliani I, 1891.djvu/290

264 CANTI POPOLARI

Nna mentri nn’amiremu cchiù cuntenti,
A la saluti di lu novu amanti1.
Chista la cantu in aria2 di la stidda:
Siti cchiù linna di ’na picciridda. (Castelbuono).

*

213, Di quannu ch’io ti visti a primu ’stanti
Figghiuzza, mi trasisti tra la menti;
E li biddizzi to’ ca fôru tanti3
M’ hannu livatu a mia li sintimenti.
Bedda, si stassi un’ura a li to’ canti,
La mia alligrizza a lu celu si senti4;
Parola ti nni dugnu, cara amanti:
Moru schettu pri tia, e moru cuntenti. (Tortorici).

*

214. Di notti e jornu sta vanedda tessu5,
E cu li larmi mei lu mari attassu6;
S' ’un mi talii, e io ti vegnu appressu,
E di la mala facci ’un mi nni fazzu7.
Nun mi nni curu si lu tempu è persu,
Lu tempu persu mi passa pi spassu.

  1. Vedi morale d’un amante!
  2. V'è anche chi dice: Chista è la cantunara, dove cantunara è contrazione di cantu in aria. Alcuni canti di Sicilia hanno in coda all’ottavo verso una specie di ritornello come questo, che in Cefalù prende nome di cannaggiu. Vedi a p. 29.
  3. Ca fôru tanti, specie di tmesi; deve dirsi: fôru tanti ca ecc.
  4. Si senti, si sentirebbe, giungerebbe.
  5. Io passo e ripasso da questa via (come spola).
  6. Attassari, qui forse avvelenare.
  7. E non mi arreco del brutto viso che tu mi fai.