 |
Questa pagina è stata trascritta e formattata, ma deve essere riletta. | |
| 262 | CANTI POPOLARI |
Comu ’na rosa a lu pettu ti tegnu,
Senza nissuna macula di dannu1;
Si quarcunu di mia ti cunta sdegnu,
Chiancinu l'occhi mei, fontani fannu;
Ora, curuzzu mio, metticci ’mpegnu,
Ch’a longu tempu li cosi si fannu. (Palermo).
*
208. Ch’havi sta varca mia ca ’un pigghia portu?
Mi dici d’aspittari ed iu t’aspettu;
Nun mi canusci si su’ vivu o mortu,
Un’ ura ’un l’haju cchiui di risettu;
Ti du’ palora ca sugnu picciottu:
Sempri scritta ti tegnu ’nta stu pettu:
Tant’è granni l’amuri ca ti portu,
Ga mi staju pi tia ’n aternu schettu. (Palermo).
*
209. 'Nta un muntu (?) quintu mi pari un suspettu
Nun cc’è pirsuna chi lo pò avanzari;
A li to’ pedi mi ’nchinu e m’assettu,
Cridennu chi di grazia si’ mari2;
Ora giujuzza,3 portami rispettu:
Bedda, cu’ t’ama a tia ’un l’abbannunari. (Alimena).
*
210. Bella, ti ’nsignu comu nn’âmu amari:
Cciù di tia e di mia nun s’hâ sapiri;
