 |
Questa pagina è stata trascritta e formattata, ma deve essere riletta. | |
| DICHIARAZIONE, PROMESSA, COSTANZA | 261 |
Giuvini cci nd’ha statu e cci ndi fôru,
Ma comu a tia nun si trova lu paru:
Ora ch’hai fattu cosi di figghiolu1,
Pigghia sta rosa e mentitilla ’mmanu. (Milazzo).
*
205. Ricordati a cui dasti la palora,
Si misi un omu scuncertu pri tia,
Chistu è ’n amuri chi cumincia ora,
Diveni di la stissa fantasia;
Sugna picciottu e cci haju sprânza ancora,
Spiranza cci haju io d’aviri a tia;
E si si’ vera donna di palora,
Schettu m’arresta si ’un’ ti pigghi a mia.
(Palermo).
*
206. Chi aviti, anima mia, ca nun parrati,
Nimmenu ccu ssa vucca mi riditi?
Criju ca ciaiti2 vi fôru cuntati,
E vui cilatamenti3 li criditi!
Nun li criditi no, nun l'accittati,
Nni voli mali a nui cu’ vi lu dici,
Vi mintiti a la mira e vui sparati,
Ghiustu sparati e stu cori firiti. (Noto).
*
207. Bedda, li to’ billizzi li pritegnu,
Ca si li duni ad àutru mi nn’allagnu;
