 |
Questa pagina è stata trascritta e formattata, ma deve essere riletta. | |
| DICHIARAZIONE, PROMESSA, COSTANZA | 257 |
*
195. Bella, ca ccu mia l'affettu cci hai,
Iu ’n’âtru tantu l’haju misu a vui1,
Iu di la tò billizza mi ’nciammai,
’Nciammata puòzzivu jiri accussì vui2!
Bella, li vostri moda3 sunu assai,
Cciui di l’àutri belli, sunu cciui4;
Ti l’haju mannatu a diri e già lu sai,
Vu’ facili pi mia, ed iu pi vui. (Noto).
*
196. Pedi di parma, ninfa di li celi.
Tutta l’appi ccu tia l’opinioni5;
Si' stilla ca cumparsi a li Tri Reni6,
Si’ un’acula fistanti quannu voli;
Quannu camini tu, l’acqua ’ntratteni7,
Ccussì ’ntratteni a mia cu li tuoi mori;
S’ ’un ti palizu ca ti vogghiu beni,
Scritta ti tegnu e stampata a lu cori (Noto).
*
- ↑ Altrettanto affetto l’ho messo io a voi.
- ↑ Infiammata possiate andare anche voi.
- ↑ Moda, plur. di modu o mora, modi, maniere, garbatezze.
- ↑ (I vostri modi) sono più (delicati) di quelli delle altre belle.
- ↑ Aviri l’opinioni cu unu, sentire amore, simpatia per una persona.
- ↑ Sei stella che apparve ai Tre Re. Reni, paragoge di re.
- ↑ ’Ntrattèniri, lo stesso che trattèniri, trattenere.
Ti vattiaru a lu fonti Salernu,
Unni si vattiaru li tri Fati:
Mentri chi sugnu vivu vaju e vegnu,
Sempri l’haju cu tia la vuluntati.
