Pagina:Pitrè - Canti popolari siciliani I, 1891.djvu/278

252 CANTI POPOLARI

Mi basta l'arma cùsiri un jippuni,
Senza ’n’augghia, fìlu e jiditali;
Mi basta l'arma stari addinucchiuni
Di menzannotti ’nfina a lu ’nnumani;
Mi basta l'arma cu li me’ canzuni
Si ddidda dormi falla arrispigghiari1. (Ficarazzi).

*

185. Comu cantava ’un pozzu cchiù cantari,
A ch’haju persu2 la vuci ch’avia:
’Na picciuttedda ca s’asciò 3 a passari,
Idda si la pigghiau la vuci mia:
Eu cci l'haju mannatu a dumannari;
Idda m’ha dittu: “Nun è tua, cà è mia;
Tannu la vuci ti vogghiu turnari,
Quannu ti curchi ’nzèmmula cu mia.„ (Termini).

*

186. Tu picciottu ca canti curiusu,
Va canta arrassu di la porta mia;
Haju un maritu ch’è tantu gilusu,
Ca si figura ca canti pri mia;
Ma si truvassi un picciottu amurusu,
Nenti juvassi 4 la sò gilusia5:
Si tu, picciottu, vo’ acchianari susu,
Cuntenti iu ti fazzu, armuzza mia. (Alimena).

  1. Tre varianti di questo canto porta la raccolta del Salomone-Marino.
  2. 2A ch'haju persu, perchè ho perduto. Quell' a che significa perchè, giacchè.
  3. S’asciò a passari, si trovò a passare per caso.
  4. Juvassi, gioverebbe.
  5. Non approderebbe a nulla la sua gelosia.