Pagina:Pitrè - Canti popolari siciliani I, 1891.djvu/277


CANTO, SERENATE 251

Cci hannu vinutu Principi e Baruni,
E lu Re Turcu cu li soi dinari,
Ora cci vegnu iu cu sti canzuni:
Di celu ’n terra ti fazzu calari1. (Alimena).

*

182. Fermati, pedi mio, nun jiri avanti,
Fermati, nun ti stari a ’rriminari;
porta, fa un miraculu di Santi,
E fammi un pocu a la mè Ddia affacciari.
E siddu l'armu mio nun è avastanti,
Si dormi la facìti arrispigghiari;
Cci diciti ca cc’eni lu sò amanti,
Stasira l’ha vinutu a visitari. (Bagheria).

*

183. Stanotti mi ’nsignavu2 a caminari,
A la bella cci ruppi lu scaluni;
Cci haju vivutu tra belli funtani,
E tra un vacili d’oru a l’abbuccuni3;
E varchi nn’haju vistu supra mari,
E bastimienti jittati a la gnuni4;
E di la bella mi vitti abbrazzari,
Quannu cantava canzuni d'amuri.(Casteltermini).

*

184. Mi basta l'arma fari un zappagghiuni,
Mi basta l’arma di fàllu vulari,

  1. Pare il contesto di tre canti.
  2. Mi ’nsignavu, m’imparai, m’addestrai.
  3. I versi 2°, 3°, 4° esprimono velatamente una medesima idea.
  4. Jittati a la gnuni, messi in non cale, tenuti da canto.