Pagina:Pitrè - Canti popolari siciliani I, 1891.djvu/276

250

CANTI POPOLARI

Cà tutta notti m’ha’ tinutu 'n jocu,
Un’ura ’un m'ha’ lassatu ripusari.
Si’ bianca e russa comu lu varcocu,
Nni manciu e nun mi puozzu sazziari;
E ssi labbruzza to’ jèttanu focu:
Jùncili cu li mia, falli addumari. (Alimena).

*

180. Io sta canzuna vi la jettu in aria
Pi vìdiri unni va la mè mimoria;
Io vi la jettu a parti sulitaria,
Bedda, ca io di tia nn’aspettu gloria;
E quannu dormu io dormu pi aria,
Li to’ billizzi mi vennu a mimoria;
E si la sorti nun mi va cuntraria
Spera d’aviri a tia pi vincitoria¹. (Palermo).

*

181. Arsira a li du’ uri, a li du’ uri,
Dui stiddi ’mmanu mi vitti calari.
Una mi parsi ’na rosa di ciuri,
E ’n’àutra nu la potti assimillari².
Culonna d’ogni Crèsia maggiuri,
Stinnardu d’ogni festa principali,
Tu si’ la rosa ed iu sugnu lu ciuri,
Un ’ntrìccicu³ d’amuri avemu a fari;

1. Vincitoria, lo stesso che vittoria. Il 4°, 7° e 8° verso si cantano così in Monreale:
        Pri spìnciri stinnardu di vittoria....
        Tutti li cosi mei vannu cuntraria,
        Seguita amuri, ’un dari vincitoria.
2. Assimillari o assimigliari, rassomigliare, discernere bene.
3. ’Ntrìccicu, intreccio.