 |
Questa pagina è stata trascritta e formattata, ma deve essere riletta. | |
| CANTO, SERENATE | 249 |
Sugnu partutu di lu mè quarteri
Pi ’nnavanzari tanta avutizza1;
Io, una di sta strata vogghiu beni,
Mancu si fôra la me ’manti stissa;
Nun mi nni curu si nni patu peni,
Un jornu hâ essiri mia la cuntintizza. (Palermo).
*
178. Cantassi Giovi, sunassi Davi,
E musichiassi2 lu Re di Muse; (?)
Chi cantu chi farianu tutti tri,
'N vidiennu3 la billizza di quant’è!
Tu di petri diamanti cinta si’,
Cinta di castità e umilitè4;
Quannu tu affacci, mi pari ca si’
La stidda ca cumparsi a li Tri Re5. (Noto).
*
179. Su, citarra d’amuri, abbenta un pocu 6,
Cà s’un abbenti tu, ’un pozzu abbintari,
- ↑ Per raggiungere tanta altezza (per conseguir l’amore della mia bella).
- ↑ Musichiari o musicari, musicare, cantar di musica.
- ↑ ’N vidiennu, in vedendo.
- ↑ Gentile assai. Umilitè, umiltà, per la rima.
- ↑ Nel mio opuscolo per Nozze Siciliano-Villanueva è questa variante, che è più regolare:
Cantassi Orfeu, sunassi Davi,
Tutti li novi Ninfi di Muse;
E supra un munti cc’era Kardarì,
Cull’arcu triunfali di Nuè;
D’oru e d’argentu tu adurnata si’,
Va vìditi a lu specchiu di Muse.
Nun t’ammucciari no, sácciu cu’ si':
La stidda chi cumparsi a li tri Re. (Palermo). - ↑ Riposa un poco.
