 |
Questa pagina è stata trascritta e formattata, ma deve essere riletta. | |
Sona di prima sira sina a jornu,
Sona pri quantu jorna cc’è 'ntra un annu;
Pri quantu beddi cc’è ’ntra stu cuntornu,
Tu sula mi fa’ jiri pazziannu1. (Tortorici).
*
175. Jivi a la Bagaria, e cci stetti un’ura,
Lu mè curuzzu mi dicía: “camina„!
Io cci jivi cu prescia e cu primura,
Cà cc'è la calamita chi mi tira.
Sutta li to' finestri e li to’ mura
Ddassutta ti cantai 'na siritina;
Affaccia, Sidda2 mia, facci di Luna:
Cc'è lu tò amanti, e squagghia comu cira.
(Palermo).
*
176. Vurria cantari ’nta li matinati,
Allura chi su' tutti addurmisciuti,
E ’nta ssu viancu3 lettu vi curcati,
E vi guditi lu sunnuzzu duci.
Eu vaju cantannu pi li strati:
Sona, citarra, dammi bona vuci;
S’hannu a jicari4 sti du’ cori amati,
Si lu Signuri nni lassa 'n saluti. (Camporeale).
*
177. Sona, citarra, e dammi bona lena,
Di tia vogghiu sapiri la cirtizza:
