 |
Questa pagina è stata trascritta e formattata, ma deve essere riletta. | |
| CANTO, SERENATE | 247 |
Vui di luntanu un’aquila pariti:
Di curtu e curtu una lucenti Luna;
'Nna cosa cchiù di l'àutri tiniti,
Ca di li beddi purtati la crûna. (Catania).
*
172. Vinni a cantari sutta sta culonna,
Sutta st’arcu d’amuri senza ’ntinna;
Dduocu cci stati vui, gintilidonna,
Ca fùstivu pingiuta1 cu ’na pinna;
Li pittura vòsiru2 misi e jorna
Pi dipinciri a vui, facciuzza fina;
Quattru su’ li billizzi di sta donna:
L’occhi, li gigghia, la vucca e la scrima.
(Castelbuono).
*
173. Cara patruna mia, fazzu la scusa,
Cantu cà mi cummeni di cantari;
Aviti la vuccuzza ’raziusa,
Li vosci moda mi fannu cantari.
Siti patruna tutta Sarausa,
E d; Avula, Palermu e Murriali;
Quannu parra ssa vucca ’raziusa,
Tuttu lu munnu fa maravigghiari. (Noto).
*
174. Nun durmiti no no, nun tantu sonnu
Chi lu tantu durmiri vi fa dannu;
Ccà cc’è lu vostra amanti a stu cuntornu
Cu strumenti d’amuri e va sunannu;
