Pagina:Pitrè - Canti popolari siciliani I, 1891.djvu/272

CAPITOLO IV.

       CANTO, SERENATE. 

— — — —

170. Vegnu a cantari a stu palazzu d’oru,
Jettu ’na vuci e nun passu cchiù avanti;
Li scali e li scaluna sunnu d’oru
Turniateddi di petri damanti;
Criju ca l'ancileddi¹ vi su’ soru,
Lu paraddisu cu tutti li Santi;
Quannu camini tu acula d’oru,
Lu Suli si ’ntratteni a lu Livanti. (Palermo).

*

171. Saluti, bedda, siddu non durmiti,
E si durmiti saluti a li mura!
Salutu a ssi bell’occhi ca tiniti,
Ca di lu mari siti la patruna;

1. Ancileddi, angioletti.