 |
Questa pagina è stata trascritta e formattata, ma deve essere riletta. | |
| AMORE, BACI | 245 |
Comu era prima, sempri su’ lu stissu,
Ti scrissi ’ntra stu cori e nun ti cassu;
Ripetu sempri lu tò nomu spissu,
Mentri chi campu e sina chi trapassu;
Si pura jissi ’ntra lu ’nfernu stissu,
Moru, e pinsannu a tia mi pari un spassu. (Piazza).
*
168. Amuri chi pri tia stentu e piníu,
Iu mi sentu a muriri si nun t’haju;
Haju persu lu sonnu e lu disiu,
E ’n suppilu ’n suppilu mi ni vaju1;
Quannu, chinu d’amuri, ti taliu,
Cunsidirilu tu chi pena ch’haju;
E quannu passa un’ura e nun ti viju,
Moru di dibbulizza e ’n terra caju. (Piazza).
*
169. O piduzzu d’aranciu prizziusu,
Ssa tò zagra ch'è bella a sciaurari2!
Quannu vinisti ccà tuttu affruntusu3
Pirchì l’ucciuzzi4 nun vulisti jisari?
Si parri, comu ’ntòntaru t’ascutu5,
Meli rusìu mi pari d’alliccari.
Vaju comu navetta 'n susu e ’n jusu6,
Mi ’nciammai di tia, chi cci haju a fari?
(Chiaramonte).
