 |
Questa pagina è stata trascritta e formattata, ma deve essere riletta. | |
| AMORE, BACI | 239 |
Ca mi fici scupriri1 la pirsuna,
Quannu si fa pri mia nicissitati.
Vi priegu, nivuliddi, ad una ad una,
Facitimi la santa caritati:
Mittitivicci davanti a la Luna,
Ca vasu a la mè bella, e po’ passati. (Casteltermini).
*
152. Di’ l’aria mi cadíu sta faidda,
Di supra mi cadíu e m’abbruciau;
Tuttu l'amuri mio lu misi ad idda,
’Nsinu a so matri ca la ginirau.
Appressu cci mannäi pi cunsigghia,
Si sò matruzza mi la voli dari;
Ca s’ ’un mi duna un jornu a sta sò figghia,
A sò matruzza mi vogghiu purtari! (Palermo).
*
153. Chi mi putissi l’aria purtari
E notti e jornu starimi cu tia!
Cu l’occhi mi talii e m’ammagari,
’Mmenzu biddizzi, amuri e gintilia.
L’amuri ca ti puortu ’un pò passari,
Io criju ca cosa mi facisti a mia.
Trovalu un spirimentu ch’haju a fari,
Cà moriri mi fai p’amari a tia. (Palermo).
*
154. Figghia, ’nta ssa batia fùstivu nata,
E li so’ gradi2 su’ la vostra dota;
