Pagina:Pitrè - Canti popolari siciliani I, 1891.djvu/263

AMORE, BACI

237

Vu’ siti la racina¹ ed iia vi pistu;
Vu’ siti lu tinieddu² ed iia lu mustu;
Dammi ssa vucca quantu iia la tastu,
Cà si m’agusta viegnu pri lu riestu³.
( Casteltermini).

*

147. Vurria sapiri chi è la bomminuta⁴?
D’oru ti la farria la prima ’ntrata,
Chiumazza d’oru, linzola di sita,
Pi ripusari tu mia cara amata.
La rosa mentri è virdi è culurita,
L’oduri ti lu fa pi dda jurnata;
O Rusidduzza, dunami la vita,
Di cori nn’âmu a dari ’na vasata. (Palermo).

*

148. Bedda, ca ti criau l’anticu Mastru,
Ca ti criau cu lu munnu giustu⁵;
’Nta lu pittuzzu tò cc’èni lu ’ngastu,
’Nta la fruntidda lu Suli d’agustu:
Dunami ssa vuccuzza ca ti tastu.
— Tornacci arreri si cci senti austu⁶.
(Caltavuturo).

*

1. Racina, uva.
2. Tinieddu, tinello.
3. Il canto, probabilmente amalgama di vari canti, è molto irregolare.
4. Bomminuta, venuta, arrivo.
5. Cu lu munnu giustu, proprio quando creò il mondo.
6. Austu, gusto.