Questa pagina è stata trascritta e formattata, ma deve essere riletta. |
236 | CANTI POPOLARI |
Notti e jornu cu va’ vurria parlari,
Fussi accurdata la nostra partita;
Comu di vui mi pozzu dispisari
Ca m’âtu trâtu1 cu la calamita? (S. Angelo).
*
144. Vaju di notti comu l’addannati2,
Di porta ’n porta comu li rimiti;
Vaju pi cu’ mi fa la caritati:
— La caritati ôn poviru faciti;
Io nun vogghiu ne’ fèuda nè Stati,
Nè mancu vogghiu zoccu vui ’un aviti;
’Na cosa vogghiu, siddu mi la dati:
’Na vasata chi dati a li mariti (Palermo).
*
145. Stidda di la sirena matinata,
Quannu affaccia lu Suli ti saluta,
’Na trizza di li to’ tegnu sarvata,
Cu’ ti talia, di pirsuna muta;
Vu’ siti sapurita ed ammilata,
’Na parola di 'i to’ stu focu astuta;
’Mmucca ti l’haju a dari ’na vasata,
Sapissi d’appizzàricci la vita!3 (Camporeale).
*
146. Vurria cantari e ’un sàcciu si la guastu
Nun sàcciu si l’amici l’hannu a gustu:
Vu’ siti la fodetta ed iia lu mantu;
Vui siti lu jippuni e iia lu bustu;