Pagina:Pitrè - Canti popolari siciliani I, 1891.djvu/257

AMORE, BACI

231

Iu mi cuntentu pàtiri la morti,
Basta chi tu ti levi di ssi guai (Alimena).

*

130. Siti cchiù bianca assai di la cacina,
Ca, quannu mena lu Livanti, adduma¹;
D’oru e d’argentu vu’ aviti ssa scrima,
E di petri domanti la curuna;
Cu’ si curca cu vui ’na siritina,
A menzannotti ’n paradisu acchiana;
Miatu dd'omu ca v’ha pri vicina
Havi lu paradisu e ’un si nn’adduna. (Alimena),

*

131. Bedda, chi aviti picciulu lu peri,
D’oru e d’argentu la scarpa v’hê fari;
Si vi scarisci² Gran Conti Ruggeri,
Di ssu piduzzu s’havi a ’nnamurari³;
Pigghiatimi lu ’ncensu e lu ’ncinseri,
Mintìtimi la bedda ’nta un artari;
Nenti fazzu pri tia, me duci beni:
Comu ’na santa ti vogghiu adurari. (Mineo).

*

132. Io vaju e vegnu comu un arci-ventu,
Vinni p’amari a tia si cci la spuntu⁴,
Li to’ biddizzi avanzanu l’argentu,
Lu tò cori e lu mio è quasi juntu.

1. La quale (calcina) brucia quando spira vento di levante.
2. Scariri, vedere, scoprire, conoscere.
3. Una variante:
             Ca di lu pedi s’havi a ’nnamurari.
4. Se vi riesco.