 |
Questa pagina è stata trascritta e formattata, ma deve essere riletta. | |
| 230 | CANTI POPOLARI |
Lu sa’ chi t’haju a diri, amuri bieddu:
Ca sidd’hâ’ amari a mia, ’un hâ’ amari a nuddu.
(Casteltermini).
*
127. Galofaru di spassi e di piaciri,
Fusti lu ciuri di tutti li rosi;
Tu nascisti pi fàrimi muriri,
La tò biddizza ’nciammari mi vosi1;
Cu la tò mastra2 ti lu mannu a diri,
Ti mannu a diri di li tanti cosi,
E ’nta un mumentu mi vidi muriri;
Io staju ’nta li vampi e tu arriposi! (Palermo).
*
128. Vacci, suspiru miu, vacci a basuni3,
Dicci chi st’arma pi ssu cori s’ardi;
Tegnu a lu piettu miu dui lami surdi,
Cu li rasola li miei carni tagghi;
Chi ciàuru d’amuri ca mi sturdi!
M’âti misu li carni a li tinagghi;
cari amici miei, chi siti surdi?
Lu fuocu m’arrifrisca e l’acqua m’ardi! (Noto).
*
129. Vurria sapiri cui ti teni forti,
Ca a ssa finestra nun affacci mai?
T’ hannu misu li guardii a li porti;
Ti su’ ’mpiduti li passi chi faì;
