Pagina:Pitrè - Canti popolari siciliani I, 1891.djvu/255


AMORE, BACI 229

*

124. Su’ ciecu amanti, e vui superna Dia,
Donna cina 1 d’ancelica billizza.
Iu cci appi ’mpegnu d’amariti a tia,
T’amai pi li tuoi ’stremi billizzi;
O sorti timiraria, o menti mia,
Conni avanzari vuoi tanti ’rannizzi?
Signura, pi la voscia curtisia,
Mi l’avanzati vui li mei bassizzi 2. (Noto).

*

125. Tiegnu la testa mia misa ’n cimera 3,
Pi chista donna ch’ è tanta bagghiana;
Tu si’ lu ciuri, ed iu su’ la ’rastera,
E lu ciàuru tò un malatu sana:
Nun mi nni curu si vagghiu 'n galera,
Mancu si jissi nni ’n’armata sana 4;
Quantu vali un’amanti furastera,
È cciù amurusa di ’na paisana. (Noto).

*

126. Oh chi vampa, oh chi fuocu, oh chi martieddu!
Fuocu comu lu mia nun l’havi nuddu:
Jetta vampi di focu Muncibieddu:
Bella pr’amari a vu’ iia mi smiduddu.
Vol’essiri di lu jitu l’anieddu,
Puru lu cori mia lu pidicuddu 5.

  1. Cina per china, piena.
  2. Concetto degno di un gran poeta.
  3. Cimera per chimera, qui fantasia.
  4. Poco m’importa se vado in galera; (nè avrei pena) se dovessi andare incontro ad una intiera (sana) armata.
  5. Pidicuddu, picciuolo.