Pagina:Pitrè - Canti popolari siciliani I, 1891.djvu/254

228

CANTI POPOLARI

Tu si’ ’na donna ca fa’ pazziari,
Ga spersu pi lu munnu mi fa’ jiri. (Caltavuturo).

*

122. Bedda, dimmillu si tu mi vò’ amari,
Si no mi fazzu amari cu pazzia;
Ca iu sugnu lu re di li magari,
Sàcciu comu si fa la magaria;
Comu ’na canna ti fazzu trimari.
Ti fazzu amari a cui mi piaci a mia;
Ossa di cani e lingui di giurani,
E niura terra di la Barbaria ¹ (Alimena).

*

123. Bella, ca l'uocchi to’ su’ tribunali,
Ca fannu la chiustizia pr’amuri ²;
li’ pri l’amuri tò passu lu mari,
Cientu scaluna acchianu 'n cunicchiuni ³:
Cunnannami si m’hai di curmannari,
vivu o muortu libirtà mi duni;
Di quantu belli m’haju misu a ’mari
Tu ha’ statu e tu sarà’ l'ultimu amuri ⁴. (Casteltermini).

1. Canzona che accenna a filtri, a fatagioni, ad incantamenti ecc.
2. Immagine veramente graziosa e gentile!
3. ’N cunicchiuni, è della pronunzia di Casteltermini: altrove a ddinucchiuni, ddiniccchiuni, 'n ginucchiuni.
4. Una variante di Salaparuta:
       Bedda, chi fusti nata a Murriali
   Facisti la giustizia pri amuri
   Ssi to’ labbruzza su’ duci fiscali,
   Chi cunnannanu a morti di tutt’uri.
   Cunnannami si n’hai di cunnannari
   morti, o vita, o libirtà mi duni.