Pagina:Pitrè - Canti popolari siciliani I, 1891.djvu/251

AMORE, BACI

225

*

114. Su’ ducent’anni, quarti; uri e passa,
Quant’ha ca nun li vidu ’un ti lu criri;
Quannu ti vidu la pena mi passa;
Tannu lu cori mi sciala e m’arriri;
Uocciu sazziatìnni, e cori ’ngrassa,
Cà tu sula sti ’razii puoi aviri;
L’amanti bella a la morti si lassa,
Finu all’urtimu fini di muriri. (Noto).

*

115. Adaciu adaciu sti vostri pitrati,
Tirati cu ssi manu sapuriti;
Tirati certi còrpura ¹ spiatati,
Ca lu cori a l’amanti cci firiti;
Quannu passu di ccà, pirchì ’un tirati?
Canusciti lu mali chi faciti!...
Cà siddu ’ntra lu cori mi ’nzirtati ²
Dintra cci siti vui, ’llura ³ muriti. (Palermo).

*

116. Jardinu a l’Orienti, orbi di ciuri,
Vita chi dati vita a sta mè arma;
Vi miritati ricchizzi e tisori,
Siti funtana e rifriscati st’arma.
Scocca di gesuminu, amatu cori,
Scocca d’amuri e curuna di parma;

1. I Siciliani hanno comuni con gli antichi scrittori italiani codesti plurali alla maniera de’ nomi neutri latini: còrpura per colpi e corpi; cummitura per conviti; jòcura per giuochi; fòcura, vòscura, per fuochi, boschi ecc.
2. ’Nzirtari, colpire, dar nel segno.
3. ’Llura, aferesi di allura.