Questa pagina è stata trascritta e formattata, ma deve essere riletta. |
220 | CANTI POPOLARI |
Tannu mi livirà’ di morti ’n vita1
Quannu a ssu piettu staju ’nzuccarata (?). (Casteltermini).
*
101. Darreri la tò porta vegnu a staju,
Sentu lu tò rispiru e m’arricriu:
Ta nun lu vidi ch’abbentu nun haju?
Sùsiti, veni dunami lu sbiu2;
Cà comu un cani a la catina staju:
Se’ jorna fa stasira chi ’un ti viju. (Bagheria).
*
102. Calu di sta vanedda lentu lentu,
Pri vidiri cu’ m’ama ’nta stu cantu;
Arrivu unn’era lu mè caru ’ntentu,
L’occhiu mi calu e moru di lu chiantu.
Idda rispusi: — Ora statti cuntentu,
Picciottu,cchiù, nun fari tantu chiantu. (Misilmeri).
*
103. Tricentusissantasei jorna un annu,
Milli e sei minuti fannu un jornu,
Sittantatrì duminichi ’ntra un annu,
Vintiqua ttr’uri la notti e lu jornu;
Dudici Luni fanu ’n tempu un annu,
Lu Suli riesci ’na vota lu jornu;
E pi ’na bella si pinia tantu,
Nenti mi ’mporta si la notti ’un dormu3. (Noto).