Pagina:Pitrè - Canti popolari siciliani I, 1891.djvu/243

AMORE, BACI

217

Funtana, ’un lu putisti no astutari?
— Comu astutallu, ch’ addumava l’acqua?
(Borgetto),

*

93. — Filluzza,¹ pri putìriti parrari
Bisogna ca mi vestu pillirinu,
Arretu² la tò porta a dimannari:
“Faciti la limosina a un mischinu!„
— Filluzzu, ’un haju nenti chi vi dari,
Cá m’ ha finutu lu pani e lu vinu;
Un litticeddu vi lu pozzu dari,
Di menzannotti fina a lu matinu;
A lu matinu vi fazzu chiamari:
“Susi, viddanu, ch’ hâ’ fari caminu.„
— Nun su’ viddanu, su’ sangu riali:
Lu tò amuri m’ha fattu pillirinu. (Alimena).

*

94. Bella, pr’amari a tia nni nèsciu pazzu,
Pazza nni nesci tu pr’amari a mia.
Bella, si t’amu, iu chi mali fazzu?
E mancu nni fai tu pr’amari a mia;
Ca dicinu a tò matri li gintazzi:
Bonn ca staju luntanu di tia. (Alimena).

*

95. Furtuna, vôta e gira caminannu,
Furtuna, vôta e gira, cá io tornu,

1. Filluzza o figliuzza, della parlata, per fìgghiuzza, figlioletta, qui voce carezzevole dello amante all’amata.
2. Arretu, dietro; voce che il Traina dice antica, ma che corre comunissima in mezza Sicilia.