 |
Questa pagina è stata trascritta e formattata, ma deve essere riletta. | |
CAPITOLO III.
AMORE, BACI.
—
83. Cu’ fici Amuri, fici cosi assai,
Fici ’na turri fabbricata forti,
Primu fici l’amuri e pua li guai,
E pri spartenza cci misi la Morti;
Ed iia l’amaru cuomu cci ’ncappai!
L'amuri m’ha purtatu a tanti sorti.
E tu giujuzza putenzia hai,
Livarimi lu suonnu di la notti. (Casteltermini).
*
84 Vinni di Roma e sia lodatu Diu,
Ca cu lu Santu Papa cci hê parratu.
Iddu mi dissi: — Chi hai, figghiu miu?
— Patri, lu mè campari è ’nnamuratu.
— Chistu piccatu ti l’assorvu iu,
Cà amari donni d’àutru ’un è piccatu,
