Questa pagina è stata trascritta e formattata, ma deve essere riletta. |
194 | CANTI POPOLARI |
*
38. Fina a lu piedi porti pulizia,
D’oru e d’argentu li pirati lassi,
Spanni rosi e violi pi la via,
E lu tirrenu abbunni d’unni passi.
’Ffaccia lu suli pi vidiri a tìa,
Si metti ’n piernu,1 ddà si ferma e stassi.
Pi truvari ’na bedda comu tia
Mancu s’un nuovu munnu furriassi2. (Castelb.).
*
39. Stidda lucenti china di biddizzi,
Muntagna tutta di cristallu e d’oru,
Mi nni ’nciammai di li to’ biddizzi,
Quannu ’un ti viju di la pena moru:
Dammi un capiddu di ssi biundi trizzi,
Quantu lu ’ntrizzu e’un lazzettu d’oru:
Miatu dd’omu ca cerca biddizzi!
Cà cui pussedi a tia, teni un tisoru. (Termini).
*
40. Bedda, comu vui nu nni truvati,
Ca di tutti ’i billizzi adorna siti;
Cchiù bedda di li stiddi vu’ brillati,
Cchiù lustru di la Luna nni faciti;
Li raggi di lu suli vu’ oscurati,
Quannu ssi biunni trizzi vi faciti;
Chi cumparennu ’mmenzu di li strati
’Nnamurari di tutti vi viditi. (Ficarazzi).