 |
Questa pagina è ancora da trascrivere o è incompleta. | |
Pinochio l a indujia nafre: ma canche el s a pensa che sa pare l i aea
dito un grim de otes che ra carita r e ben fata anche al diou, l a noda
fin la da Oujores-de-oro, el l a ciapa par ra coda e el l a strascigna sul
lido a sosta.
Chel por cian el no stajea pi in pes. Zenza vore, l aea joti ’so tanta de
cher aga sarada, che l s aea jonfa come un balon. El buratin, che l no
se fidaa mia massa, l a pensa che l ea meo se bicia danoo inze inze r
aga e, un bel toco in for a, l i a craia al cian che l aea salva:
- Sanin dapo, Oujores-de-oro, fesc bon viaso e saluda a ciasa!
- Te saludo, Pinochio - l i a respondu el cian - e gramarze mile che te
m as tira in ca. Te m as fato propio un piazer e canche pos te 1
rendarei. Se capita, se ciataron de seguro danoo.
Pinochio l a seguita a noda, senpre pede l lido. Dinultima i a paru de
esse rua inze un posto seguro: a varda ves el lido, l a vedu intra i
sasc nafre de landro, da agnoche vienia fora na gran penacera de
fun.
- Inze chel landro - l a pensa - l da esse un fo che arde. Meo! ’Siarei
la a me suia e a me sciouda, e po?... E po che see ce che sa esse.
Na ota deziso, l a noda fin dai sasc, e co l a proa a darsonse el landro,
1 a sentu che da r aga vienia su algo, l vienia in su, l vienia in su e l lo premea par aria. L a proa a scanpa, ma l ea tarde: l e resta de sas a se vede sara inze inze na gran rede, intrameso na volmenera de pesc de
duta ra sortes che boligaa, soutarlaa e sbatea come desperade.v
In chera, l a vedu vieni fora par porta un pescador: l ea un burto, ma
cosci un burto che l someaa un mostro del mar. Inveze dei ciaei, sun
testa l aea na gran ceja de leaze verdes: ra pel r ea verde, i oce i ea
verdes, ra barba, longa fin so par ra janbes, r ea verde anche chera.
Someaa na gran zeramandola con doa zates.
Canche l pescador l a tira fora ra rede da r aga, l a craia duto
contento:
97
| 97 |
