 |
Questa pagina è ancora da trascrivere o è incompleta. | |
Anche l maestro l ea contento, parceche el vedea che Pinochio l i
tendea a ra lezios, l inparaa, l ea intelijente, el ruaa a scora par prin e l leaa su par ultimo co sonaa ra cianpanela.
L aea solo na peca, che l ea amigo de un grun de borsoi, e intra de
lore l ea anche alcuanta linjeres, che dute saea che es aea poca voia
de inpara e se fei onor.
El maestro i lo dijea dute i dis, e anche ra bona Fatazina ra l avisaa
despes:
- Tendi Pinochio! Un di o l outro, chi to amighe canaies i te fejara
passa ra voia de inpara e mangare i te fejara fei anche calche
malagrazia.
- No n aede festide! - el respondea l buratin, el tiraa su na spala e col
diedo el se tociaa ra testa, come par di "Ca inze, in e assei de ston!"
Un bel di l e suzedu che, fin che el ’sia a scora, Pinochio l a data un
ciapo dei so amighe, che i e ’sude daejin e i a dito:
- Sasto ce che l e suzedu?
-No.
- Inze l mar ca pede l e un Pescion gran come na croda.
- Ai?... Che see chel Pescion de canche s a sofea chel por pare?
- Nosoutre ’son la dal lido a l vede. Vosto vieni anche tu?
- 16 no, voi ’si a scora.
- Ce t inportelo de ra scora? A scora podon ’si anche doman. Co na
lezion de pi o una de manco, reston senpre i muse che son.
-El maestro ce dijaralo?
- Lascion che l dighe. I lo paga aposta par brontola dutaldi.
- E me mare?
- Ra mares es no sa mai nuia - i a respondu chi borsonate.
- Saeo ce che fejo? - l a dito Pinochio. - El Pescion voi el vede, sei ben
io parce... ma ’siarei a l vede dapo scora.
88
| 88 |
