- T aras da me obedi e fei senpre ce che te dijarei.
- Vorentiera, vorentiera, vorentiera!
- Alora, doman - r a dito ra Fatazina - te scomenzes danoo a ’si a
scora.
Pinochio l e deenta alolo pensieros.
- Dapo te te cures fora im mestier che te piaje...
Pinochio l e deenta ancora pi pensieros.
- Ce asto da rugna? - ra i a damanda ra Fatazina, nafre secada.
- Dijee... - l a sbrodoncia l buratin sote osc - che me sa nafre tarde
par ’si a scora...
- No de zerto. Tiente a mente che par inpara algo none mai tarde.
- Ma io no voi ae un mestier...
- Parce po?
- Parceche me sa che a loura se fesc fadia.
- Pizo, ra i a dito ra Fatazina, ci che disc cosci par solito el rua o in
prejon o sul ospedal. Un on, che te sepes, che l see nasciu scior o
poereto, inze sto mondo l a bisoin de fei algo, de inpara un mestier,
de loura. No se po sta zenza peta colpo, no! L e na gran burta
maratia, e besen varda de meora alolo, da pize in su: sedeno, co se je
grei, no se vien pi de meo.
A Pinochio, sta paroles es i fato pensa sora; l e lea su de oga e l i a
dito a ra Fatazina:
- Alora inpararei, lourarei, fejarei duto chel che te me dijaras,
parceche, a ra fin, no voi pi vive come un buratin, e voi deenta
propio un brao pizo. Te me l as inprometu, gnero?
- Te l ei inprometu, ma ades tocia a ti.
86
