Questa pagina è ancora da trascrivere o è incompleta. |
piane, elana bocia cosci larga e fonda, che un treno co ra machina
inpizada el stajarae inze zenza fadia.
- Oiuto mare! - l a craia el buratin duto scoutri. El s a betu in prescia
i sarvije e l i a dito al Delfin:
- A se reede, scior pesc: scusame se v ei desturba e gramarze ben de
duto.
E cosci, l a ciapa de buriada ra stradela a man zanca e l s a betu a
camina sbelto, ma cosci sbelto che someaa che l oujorasse. E duta ra
otes che l sentia nafre de sussuro, el se voltaa alolo a varda, col
festide de vede chel Pescion gran come na ciasa de zinche piane che 1
i corea drio col treno inze bocia.
Dapo de mesa ora l e rua inze un paeseto che i ciamaa "el paes de r
esaes pienes de insegno". Par strada l ea un grun de ’sente che corea
in ca e in la drio i so afare: i louraa dute, dute i aea algo da fei. No se vedea un poltron o un strafieron aneo.
- Ei capi - l a dito alolo chel pegro de un Pinochio - sto paes el no n e
par me! 16 no son nasciu par loura!
Intanto i ea vienu na gran fame, parceche l ea pi de vintecuatro ores
che l no magnaa nuia, gnanche na cijirela.
Ce aeelo da fei?
Par pode se bete algo inze l stomego, l ea doa robes da fei: ’si a vede
de un laoro o ’si par carita de na moneda o de un toco de pan.v
A ’si par carita l se vargognaa, parceche sa pare l i aea senpre dito
che par carita po ’si solo i vece e i marade. I poerete vere, chi che fesc
propio peca e i a bisoin de calchedun che i staghe drio, l e chi inaante
coi anes o pies de magagnes che i no po pi loura par se guadagna 1
pan. Dute chi outre i e obligade a loura: e se i no laora e i padisce ra
fame, sa dan.
In chera, l e passa un on duto suda e sfoga, che l tiraa doi carete de
carbon.
80
80 |