Ra bocia no n ea ancora fenida, che r a taca alolo a i ride sora e a 1
coiona.
- Feniscera de ride! - l i a dito Bepeto duto susta, ma l ea conpain de
parla coi mure.
- Feniscera de ride, te digo! - l a craia senpre pi stiza.
Alora ra bocia r a lascia de ride, ma r a tira fora duta ra lenga.
Bepeto, par no s invelena l sango, l a fato finta de no vede e l a
seguita a loura. Dapo de ra bocia, l a fato l menton, e po l col, ra
spales, el stomego, i braze e ra mas.
Na ota feni ra mas, Bepeto el s a inacorto che calchedun i portaa via i
ciaei. El s a volta, e ce alo vedu? L a vedu i so ciaei ’sai inze man del
buratin.
- Pinochio!... rendeme alolo i me ciaei!
E Pinochio, inveze de i rende, el s i a betude sun testa, ma l s a
deboto sofea.
A vede i jeste sfazade de Pinochio, Bepeto l ea duto pasciona,
cemodo che l no n ea mai sta in vita soa; el s a ’sira ves el buratin e l i a dito:
- Mostro de un piscion! No te sos gnanche feni e no t as gnanche
riguardo par ta pare! Cosci no va ben, pizo, no va propio ben!
E l s a spaza via na lagrema.
L aea ancora da feni ra janbes e i pes.
Canche Bepeto l a abu fato i pes, el s a sentu rua na spedazada su ra
ponta del nas.
- Me l merito! - l a dito - Aee da i pensa sora ignante. Ades l e tarde!
El s a betu el buratin sote l brazo e el l a poia sul siolo, par el fei
camina.
Pinochio l ea duto ingrofori, l no n ea bon de se moe, e Bepeto el lo
tienia par man par i insegna a bete un pe daante chel outro.
8
