 |
Questa pagina è ancora da trascrivere o è incompleta. | |
I e ’ sude inze inze na capia voita, agnoche l ea solo un ciadin pien de
aga e un zesto pien de cijireles.
Da pizo in su, el buratin el no n aea mai podu lanpa ra cijireles: el
dijea che es i fejea grizo e mal de panza; ma in chera sera el in a fola
da se sbrea e, canche el ’s a deboto fenides, l i a dito al colonbo:
- No n arae mai cardu che ra cijireles es fosse cosci bones!
- Besen se fei parsuase, pizo - l i a respondu el Colonbo, che canche s
a fame enone nuia da magna, anche ra cijireles es e algo de bon. Ci
che a fame el no n a caprizie e l no gorosea!
I a feni de magna in prescia, i s a betu danoo in viaso, e via! Del
indoman bonora i e made sul lido del mar.
El Colonbo l a poia Pinochio ’sobas e, ’sa che l no vorea se senti di
gramarze de chel che l aea fato, el s a sentrea a oujora via.
Sul lido l ea un grun de ’sente che vardaa r aga, craiaa e fejea jeste.
- Ce suzedelo? - l i a damanda Pinochio a na veceta.
- L e suzedu che un poranima che l a pardu so fiol, l a voru moe co
na barcheta par passa via el mar, e l mar ancuoi l e duto ajita e ra
barcheta r e ’suda deboto sote aga...
- Agno era sta barcheta?
- Vera la fora, varda fora dreto l me diedo - ra dito ra veceta e col
diedo ra i mostraa na barcheta che, da indalonse, someaa na mesa
cucia con inze un ometo pizo pizo.
Pinochio el vardaa fis da chera, e dapo de nafre, l a tira un gran
crido e l a dito:
- L e me pare! l e me pare!
Intanto ra barcheta, sgorlada in ca e in la da ra ondes, can ra sparia
sote ra onda pi outes can ra tornaa par sora: e Pinochio, da su in son
de un sas el no ra fenia pi de ciama sa pare e de i fei mote co ra man,
col napariol e finamai co ra bareta che l aea sun testa.
76
| 76 |
