 |
Questa pagina è ancora da trascrivere o è incompleta. | |
anche se l no n aea pi lagremes: el so tormento l ea cosci gran che i
bregare s i sentia de ogni ver inze ra val.
El piansea e l dijea:
- Fatazina mea, parce tin sosto ’suda? Parce no sone morto io, che
son tanto un catio, e tu inveze te sees tanto na bona?... E chel por
pare, agno saralo? Fatazina mea, dime agnoche pos ’si a l ciata, voi
sta senpre con el e no l lascia pi! pi! pi!... Fatazina mea, dime che no
n e vero che te sos morta! Se te me vos propio ben... se t i vos ben al
to fardeluco, torna ca... torna viva come na ota!... No te dolo vede
che son resta solo e dute i m a lascia? Se rua i sassis, i me pica danoo
su par un ramo... e alora morirei. Ce vosto che feje, solo, inze sto
mondo? Ades che v ei pardu, te e me pare, ci me dalo da magna?
Agno ciate da dromi? Ci me fejelo na faneluca noa? Oh! sarae meo,
zento otes meo che morisse anche io! Ai, voi mori!... ih! ih! ih!...
Fin che el sgnoufaa, l a fato par se sbrea fora i ciaei: ma i ciaei i ea de
len, e l no n e ’su gnanche adora a i ciapa inze coi diede.
In chera passaa la un colonbo, che l s a ferma un toco in su par aria e
1 i a craia:
- Pizo, ce festo la?
- No vedesto? Son ca che pianso! - l a dito Pinochio, che l vardaa de
capi da agnoche ruaa chera osc e l se spazaa via i oce co ra magna de
ra fanela.
- Dime mo - l a dito l colonbo -par cajo, intra i to amighe, in
conoscesto un che l a gnon Pinochio?
- Pinochio?... Asto dito Pinochio? - l a respondu el buratin, che l ea
lea alolo in pes. - Pinochio son io!
A senti sto tanto, el colonbo l e vienu ’so de oga e l s a poia pede el. L
ea pi gros de un dindio.
- Donca, te conosces anche Bepeto? - l i a damanda al buratin.
74
| 74 |
